«Балалардың қауіпсіздігі – заң аясындағы ортақ жауапкершілік» тақырыбында жалпы ата-аналар жиналысы өткізілді. Жиналыстың мақсаты – ата-аналарға балалардың құқықтары мен қауіпсіздігін қамтамасыз етудегі заң талаптарын түсіндіру, отбасы мен мектеп арасындағы ынтымақтастықты нығайту және құқықбұзушылықтың алдын алу.

Жиналыс барысында кәмелетке толмағандардың құқықтары мен міндеттері, олардың қауіпсіздігін қорғауға бағытталған заңнамалар таныстырылды. Атап айтқанда, Қазақстан Республикасының Конституциясы, Қазақстан Республикасының Бала құқықтары туралы заңы және Қазақстан Республикасының Ішкі істер министрлігі тарапынан жүзеге асырылатын профилактикалық жұмыстар туралы ақпарат берілді.

Сонымен қатар интернет қауіпсіздігі, буллинг пен кибербуллингтің алдын алу, жол-көлік қауіпсіздігі, төтенше жағдайлардың алдын алу мәселелері талқыланды. Ата-аналарға бала тәрбиесіндегі жауапкершілік, құқықтық мәдениетті қалыптастыру және балаға қолайлы орта құрудың маңыздылығы түсіндірілді.

Жиналыс барысында ата-аналар өз сұрақтарын қойып, мектеп әкімшілігі мен мамандар тарапынан нақты жауаптар алды. Қорытындысында балалардың қауіпсіздігі – отбасы, мектеп және қоғамның ортақ міндеті екендігі атап өтілді.